" هه‏لاوه مه‏لاوه ...!! "

له قسان ئه‏ڵێن ئه‏مڕۆ ساڵ تازه ئه‏بێته‏وه. هێشا که ئه‏و بابه‏ته ئه‏نووسم نازانم مه‏لا بانگی به‏یانی فه‏رمووه یان نا !!
به دنیایه‏ک ته‏نیایی تێکه‏ڵ به تووره‏یی و کۆمه‏ڵێک مێرووله له سه‏ر مێزی کۆمپیۆتێره‏که که په‏لاماری چه‏ند کاغه‏زێک له گه‏زی ئیسفه‏هان و له‏تێک له بنێشتی شیکیان داوه ، ئه‏مه‏وێ به‏ره‏و پیری ساڵی نوێ بچم !!
ساڵان ئه‏و کاتانه حاڵ و هه‏وایه‏کی تری هه‏بوو !! هه‏لاوه مه‏لاوه ، هێلکه‏یه‏کمان بۆ بخه‏نه بن تاوه ، کوره‏که‏تان بێ به زاوا... به‏وانه‏وه به‏ره‏و پیری نه‏ورۆز ئه‏چووین !! به تۆق تۆقیله‏یه‏که‏وه که خۆمان دروستمان ئه‏کرد ، به ئاگرێکه‏وه که پتر له ساڵێک شتمان بۆ  کۆ ئه‏کرده‏وه تا رۆژی چوارشه‏ممه سووری دایگیرسێنین !! به جل و به‏رگی نوێوه !! به پیکه‏نینه‏وه به‏ره‏و پیری نه‏ورۆز ئه‏چووین !!
ئه‏و کات ته‏نیایی له گه‏ڵما نامۆ بوو، یان من هه‏ستم به‏م هه‏موو ئازاره نه‏ئه‏کرد ، یان مۆدێرنیته‏ی قورمساغ رووی نه‏کردبووه ئه‏م وڵاته کاولبووه ! نازانم ... هه‏رچی بوو خۆش بوو ! پانزه بیست رۆژ پشووی نه‏ورۆز ! تۆپ‏تۆپێن و هه‏لاوه مه‏لاوه و سه‏یران و فیلم و ...!!

چه‏ند رۆژێکه به sms په‏یامی پیرۆزبایی نه‏ورۆزم بۆ ئه‏نێرن ! بێ ئه‏وه‏ی هه‏ست بکه‏م به راستی ساڵی نوێیه و جه‏ژنی نه‏ورۆزه !! دڵنیام ئێستا حه‏مه به‏ر له‏من گوتوویه‏تی : ...ـێرم به‏و وه‏زعییه‏ته !!
کاکه چ ئه‏ڵێی ! بتهه‏وێ و نه‏تهه‏وێ نه‏ورۆزه نه‏ورۆز. منیش هه‏ر لێره‏وه پیرۆزبایی ئه‏ڵیم به هه‏موو هاورێکانم که له ناو ئه‏م دنیا قۆر و خۆشه‏ی ئینته‏رنێتا له گه‏لیان ئاشنا بووم، ساڵی نوێ پیرۆزبایی ئه‏ڵێم به :
 ناسر و تره‏کانی ، مامه ره‏شه‏ی خۆمان و که‏یلانی خۆشه‏ویستی،  حه‏زره‏تی کامیل و دنیایه‏ک ئاوات ،  بنار که حه‏ز ئه‏کا بفڕێ له گه‏ڵ په‏پووله‏یه‏ک به باڵی سه‏وز و سووره‏وه ،  کورده گیان و هه‏سته پاکه‏که‏ی ، خاڵه کاروان و شێعره‏کانی ، مامه که هانیدام ئه‏مشه‏و شتێ بنووسم ،کچی کورد و ئه‏و خه‏مانه‏ی له گه‏ڵیانا گه‏وره بووه ، جه‏مشید که دیار نیه و هیوادارم دیسان نه‏یانگرتبێت ، سارۆ که دڵی ئه‏وه‏نده‏ی ده‏ریایه‏که ، وسێنی دژهۆنی که که‏س نازانێ خه‏ریکی چیه ، میرزا حه‏مه‏ی قه‏یخا که قه‏شمه‏رئاوای وێڵ کرد و به جارێ ون بوو ، ره‏وه‏ند که به ته‏ما بوو زوو زوو وێبلاگه‏که‏ی نوێ کاته‏وه ،  واحید و مه‏کته‏به‏که‏ی ، سیروان که وێبلاگه‏ی کردۆته په‏نجێره‏یه‏ک بۆ دیتنی گه‏نده‏ڵی له باشوور ، خۆم و هه‏موو ئه و که‏سانه‏ی سه‏ردانی وێبلاگی وه‏ره ده‏رێ مازوو ئه‏که‏ن وه‏ک براژن و ئازاد و سمێل فش و حاجی و ...

ئه‏رێ وه‏ڵلا...ئه‏وه‏ش نه‏قڵی ساڵی نوێ ! تڕحێووو!!

                            " کاسه‏ی مسته‏ڕاحه‏که "

وه‏تاغی ئێمه له نۆهۆمی سێهه‏مه. ئه‏و ته‏به‏قه‏یه 11 مسته‏راحی هه‏یه . من بۆ گوو کردن زۆر جاران ئه‏چمه مسته‏راحی پێنجه‏م به لای راسته‏وه. کاتێ له سه‏ر کاسه‏ی مسته‏راحه‏که هه‏ڵده‏تروشکێم زۆر بیری سه‏یر و سه‏مه‏ره‏و و قۆڕ به مێشکم دادێ. ته‏نانه‏ت جاری وایه به که‏یفی خۆم دائه‏نیشم و له رابردووم و خۆم و کوردایه‏تی و جیهان و خوا و ته‏ره‏ماش له سه‏ر ئه‏و کاسه‏ی مسته‏راحه لێک ئه‏ده‏مه‏وه. جا خۆش ئه‏وه‏یه 24سه‏حاتی خوا ئاوی گه‏رمی هه‏یه و له گه‏ڵ ئاوه سه‏رده‏که که تێکه‏ڵاوی ئه‏که‏ی هه‏ر حه‏ز ئه‏که‏ی 24 سه‏حاته‏که دانیشی ، ئاوی شیلاوگه‏رم به گه‏ڵ و گونت داکه‏ی و ئه‏وه‏ی مه‏راق و ته‏ره‏ماش و مه‏ره‏ماشه به یه‏کجاری حه‏وای ده‏یه ناو کاسه‏ی مسته‏راحه‏که‏وه . له گه‏ڵ ئه‏و هه‏موو چیژ و خۆشییه که له سه‏ر کاسه‏ی مسته‏راحه‏که به نه‏سیبم ئه‏بێ ، جاری وا هه‏یه له بیرم ئه‏چی ئاوه سه‏رده‏که‏ به‏رده‏مه‏وه و بۆیه به جارێ گه‏ڵ و گونم داده‏پلۆخێ ، ئه‏بێ ئه‏و رۆژه هه‏ر فووی لێ‏که‏م و ئاگام لێی بێ نه‏کزێته‏وه. ئه‏گه‏ر له به‏ر بێ‏پووڵی نه‏با به دڵنیاییه‏وه قاپێکم ماست ئه‏کڕی و لێم ئه‏دا به‏ڵام چش !
با بێینه‏وه سه‏ر باسه‏که‏مان ! وتم له سه‏ر ئه‏و کاسه مسته‏ڕاحه زۆر جار بیری قۆر و سه‏یر و سه‏مه‏ره به مێشکم دا تێده‏په‏ڕێ . له‏م شه‏وانه‏دا بیرم له‏وه ئه‏کرده‏وه زۆر باش ئه‏بوو هه‏ر که‏س مسته‏راحێکی تایبه‏ت به خۆی بوایه و هه‏ر ئه‏و توانیبای له‏وێ میز و گوو بکا و بتڕێ و بتسێ و ئه‏گه‏ر حه‏زی لێی بوو تێیدا بخه‏وێ. ئیتر ئاوا ده‏رئه‏که‏وت کێ له هه‏موان زیاتر گوو ئه‏کا و خه‏ڵک لێیان حاڵی ئه‏بوو ئه‏مه گووی کێیه ده‏یشێلن ! هه‏ر که‏س گووکاری کردبایه هه‏مووان پێیان ئه‏زانی ! به‏ڵام ئێستا چی؟ هه‏ر که‏س دێ به که‏یفی خۆی گوو ئه‏کا بێ‏ئه‏وه‏ی که‏سێک پێی بزانێ ! ته‏نانه‏ت جاری وایه هێنده گوو ئه‏کا ئاوه‏ڕۆی کاسه‏ی مسته‏راحه‏که ئه‏گیرێ ، بێ ئه‏وه‏ی که‏سێک پێی‏بزانێ ! هه‏ندێ خه‏ڵک هه‏ن له کۆڵانه‏کان گوو ئه‏که‏ن. هه‏ندێ خه‏ڵکی تر له ناوه‏راستی خیابان. هه‏ندێ خه‏ڵک هه‏ن جێ نه‏ماوه گووی لێ‏نه‏که‏ن ، له خیابان ، له شه‏قام ، له سه‏ربان ، له وه‏تاغ ، له شاخ ، له سه‏ر به‏رد ، له مزگه‏وت ، له حیزب ، له بن دار ، له سه‏ر دار ، له هه‏موو شوێنێک ! بێ ئه‏وه‏ی که‏سێک پێیان بزانێ و ئاگاداریان بێ !
خۆزگه هه‏موو که‏س مسته‏راحییه‏کی تایبه‏ت به خۆی بوایه‏! رێژه‏ی گوو کردنی ده‏رکه‏وتبا ، گوویه‏که‏ی تێکه‏ڵ گووی که‏س نه‏بووبا ، که‏س مه‏جبوور نه‏با گووی که‏سێکی تر بشێلێ !
ئه‏ڵێم خوا ! تو شه‏ره‏ف تۆ ئه‏و میز و گوویه‏ت له کوێ ئه‏که‏ی ؟ ها ؟

ئا....ی‏ی‏ی...گ‏ و ن‏ م ...دیسان له بیرم چوو ئاوه سه‏رده‏که به‏رده‏مه‏وه !

ئه‏رێ‏وه‏ڵلا...

تێبینی :  بۆ ئه‏و خوشک و براده‏رانه‏ی سه‏یری ئه‏م بابه‏ته‏ ئه‏که‏ن ، کاکه تکایه دوای نان خواردن ئه‏م بابه‏ته بخوێننه‏وه، با هیچ جێ‏گای گله‏یی نه‏مێنێته‏وه.

" نامه‏یه‏ک بۆ مامه ! "

مامه چۆنی ؟ سیحه‏تت باشه ؟
مامه ئه‏م رۆژانه چ ده‏که‏ی ؟ خه‏ریکی چی ؟ وه‏ڵلاهی وه‏بیللاهی له‏وه‏تا بوویه‏ته سه‏رۆک کۆمار هه‏ر له که‏س ناپرسی ؟ ده‏ی مامه ! به ئاواتی خۆت گه‏ییشتی ؟ کوره ده‏ڵێم ئاممان وریای خۆت به ! له‏وه‏تا ئه‏و ئانفوڵانزای باڵنده‏یه رووی کردۆته ئه‏م کوردستانه خه‏و و خۆراکم لێ حه‏رام بووه ، رۆژ و شه‏و نیگه‏رانی تۆم ! ده‏ڵێم کوره هۆشت به قه‏له‏کانته‏وه بێ نه‏خۆش نه‏که‏ون . به حه‏قی قورعان ئه‏ترسم تۆش نه خۆش خه‏ن !  ئه‏و کورده داماوه هه‏ر مامه‏ یه‏کی هه‏یه  !!  کوره ئاممان نه‏که‏ی !
مامه ده‏ڵێم خه‏به‏ری کوردستانت هه‏یه ! کوره ئه‏و تورکه قورمساغانه ده‏ست‏به‏ردار نین ! له قسان ده‏ڵێن مه‏ر و ماڵاتی خه‏ڵکیان زۆر کوشتووه !! ده‏ڵێم چاکه شوکور له تۆ دووره !  کوره مه‏ردی چا به تا ئه‏و شه‏ره هه‏یه هه‏ر له به‏غدا دانیشه تا شه‏ره‏که ده‏خه‏وێ ! تۆ کارت به سه‏ر ئه‏و شتانه‏وه نه‏بێ ! کوره‏کان له‏وێ خۆیان جێ به جێی ده‏که‏ن !
ده‏ی مامه ! کوره مامه بیستم له سلێمانی و هه‏ولێر بۆ 22ی به‏هه‏مه‏ن به‏رنامه‏یان دانابوو ! مامه تۆیان بانگهێشتن نه‏کردبوو ؟! کوره قه‏ینا قه‏ینا ! هه‏ر چاک بوو په‏یامی پیرۆزباییت بۆ ناردن ، ئه‏گینا دوایی گله‏ییان لێ‏ئه‏کردی !
مامه ئێمه‏ش لێره وه‏زعمان باشه، خراپ نیه ! ئێمه‏ش لێره حاشا له کورد بوونی خۆمان ئه‏که‏ین ، ئه‏گینا کارتی ده‏حوه‏تمان بۆ نانێرن ! کوره جا ئێمه‏ش چ مه‏جبوورین ، ئه‏وه بڵێین کوردین و کورد نین چ ده‏بێ ؟ ها ؟ وه‏ڵلا... ! کوره مامه شتێکی دیکه ! جه‏مشیدیشیان گرت ! ئیتر نازانم دوای ئه‏و نۆره‏ی کامه‏مانه !!  کوره هیچ نیه ، هه‏ر ده‏ڵێم حه‏زره‏ته‏که‏ی غه‏وس وه‏ک ئه‏و کوره له زینداندا نه‏یکوژن ، ئه‏گینا هیچ نیه نا ، مامه تۆ خۆت ناره‏حه‏ت نه‏که‏ی ، ئێمه‏ش له‏گه‏ڵیان براده‏رین !!!

ئه‏رێ‏وه‏ڵلا...

ده‏ی مامه کارت نیه ؟ سڵاو بگه‏ێینه !!

                                                           " ... !! "

- یه‏ک بۆ من
- یه‏ک بۆ تۆ
- یه‏ک بۆ من
- یه‏ک بۆ تۆ
- یه‏ک بۆ من
- یه‏ک بۆ تۆ
...

له سه‏ر مێزه‏که به‏رامبه‏ر به یه‏ک دانیشتبوون و شه‏هیده‏کانیان به‏ش ئه‏کرد

- یه‏ک بۆ من
- یه‏ک بۆ تۆ
- یه‏ک بۆ من
- یه‏ک بۆ تۆ
- یه‏ک بۆ من
- یه‏ک بۆ تۆ
...

"موناجات نامه"

پاچه‏‏ی شه‏رواله‏که‏مت دڕاند ، هه‏ر وه‏ی !
ئێل سی‏دی گووشیه‏که‏مت سووتاند ، هه‏ر وه‏ی !
کارتی غه‏زاکه‏مت شکاند ، هه‏ر وه‏ی !
جاده‏ت به‏ست و به‏فرت باراند ، هه‏ر و‌ه‏ی !
تورکیای قورمساغت لێمان هرووژاند ، هه‏ر وه‏ی !
نه‏گبه‏تی و به‏دبه‏ختیت به سه‏رمانا سه‏پاند ، هه‏ر وه‏ی !
حکوومه‏تمان ئه‏ویست ،حه‏ره‏ب و حه‏جه‏مت تێگه‏یاند ، هه‏ر وه‏ی !
هیچمان نه‏کوت ، هاتی و ئێمه‏ت خوڵقاند ، هه‏ر وه‏ی !

ئه‏ی بێ‏که‏سی بێ‏که‏سان
بێ په‏ناهی بێ‏په‏ناهان
بێ‏دایک و باوکی بێ‏دایک و باوکان
کاکه تو شه‏ره‏فت
پیاو به پیاو
وه‏ڵلاهی وه‏بیللاهی هه‏ر که‏س وای لێکردبای ، ئه‏ولاترت لێ‏ئه‏کرد !

ئه‏رێ‏وه‏ڵلا...

                                   " نه‏قڵی حه‏زره‏تی مازوو ! "

ئه‏مڕۆ رۆژی له دایک بوونی وێبلاگی وه‏ره ده‏رێ مازوو بوو! پاره‏که له وه‏ها رۆژێک‏دا حه‏زره‏تی مازوو هاته‏ دنیاوه. له‏م یه‏ک ساڵه‏دا هه‏زاران که‏س به هه‏زاران شێوه هه‏وڵیان‏دا حه‏زره‏تی مازوو بناسن ، به‏ڵام هه‏وڵه‏کانیان بێ‏ئه‏نجام مایه‏وه ! حه‏زره‏تی مازوو له ماوه‏ی ئه‏م یه‏ک ساڵه‏دا بوو به پێغه‏مبه‏ر و به سه‏دان و هه‏زاران که‏س ئیمانیان هێنا به دینه‏که‏ی ! حه‏زره‏تی مازوو بوو به سه‏رۆک حیزب و به سه‏دان و هه‏زاران که‏س له خوشکان و برایانی ره‏فیق حیزبی بوونه ئه‏ندام له حیزبی حه‏زره‏تی مازوو دا. حه‏زره‏تی مازوو بوو به خوا و کتێبی پیرۆزی قه‏یته‏رقووی پێشکه‏شی عه‏بده‏کانی کرد ! حه‏زره‏تی مازوو بوو به ماعیر و ده‏یان کورته مێعر و قۆرینه‏ی پێشکه‏شی لایه‏نگرانی کرد! حه‏زره‏تی مازوو بوو به بناغه‏دانه‏ری مه‏کته‏بی قه‏شمه‏ریسم و مانیفێستی قه‏شمه‏ریسمی نووسی !! ئه‏رێ وه‏ڵلا...
ده با ئێستا حه‏زره‏تی مازوو له زمان خۆیه‏وه باشتر بناسین :

- له ورمێ له دایک بووم ، تا ئه‏و ساڵانه‏ش هه‏ر وام ئه‏زانی تورکم و له گه‏ڵ مناڵێکی تورک له بیمارستان گۆردروام ، به‏ڵام دواتر به هۆی ئه‏وه‏ی پێیان ئه‏کوتم له فڵانه برات ئه‏چی ئیمانم به کورد بوونی خۆم هێنا !
- مناڵیم هه‏م خۆش بوو هه‏م ناخۆش! به‏ڵام هه‏تا خوا حه‏ز بکا قۆر بوو ! که‏س به پیاوی دانه‏ده‏نام !
- کلاسی پێنجی سه‏ره‏تایی بووم ، مامۆستاکه‏مان پێی وتم ئه‏ڵێی پیرێژنی دۆ لێ‏رژاوی !! وتم بۆ خۆتی !! له سه‏ر ئه‏وه لێمان بوو به شه‏ر و به زۆر له کلاس وه‏ ده‏ری نام ! له‏و ساته‏وه بوومه مرۆڤێکی شۆرشگێر !
- کلاسی یه‏کی ناوه‏ندی له گه‏ڵ سێ‏براده‏رم له ماڵه‏وه رام کرد و به مه‏به‏ستی رۆییشتن بۆ تورکیا سه‏رمان له میاندواو ده‏رهێنا ! شه‏وێک له پاسگای ژوماره یه‏کی میاندواو بازداشت بووین و پاش ئه‏و ئێمه‏یان هێناوه پاسگای ژوماره یه‏کی شاره‏که‏مان ! له وه‏ڵامی ئه‏وه‏ی که بۆ‏چی رام کردووه گوتم : باوکم دووچه‏رخه‏م بۆ ناکرێ!!
- هه‏ر له‏و ساڵانه‏دا بوو دووچه‏رخه‏یه‏کم دزی و پاش دوو سه‏عات سواربوونی ، له گه‏ڵ دایکم بردمه‏وه بۆ سێحه‏به‏که‏ی!
- یه‏کێ له براکانم به‏زه‏یی پێم داهات و له‏و پووڵه‏ی له کارگه‏ری به ده‏ستی هێنابوو دووچه‏رخه‏یه‏کی بۆ کڕیم ! به حه‏زره‏تی غه‏وس بۆخۆی له من زیاتر سواری ده‏بوو، سه‏رباقی ئه‏وانه‏ش پێیوه‏ی ببوومه په‏ند ! رۆژ نه‏بوو زنجیره‏که‏ی ده‏رنه‏یه !!
- ساڵی دووی ناوه‏ندی له سه‏ر مریشک دزین گرتیانم و هێنده‏ی نه‏مابوو داری ته‏ڕ له قوونم رواکه‏ن ! بۆ به‏دبه‏ختیش کاتێ به‏ریان داین ، له رێگه‏ی گه‏رانه‏وه بۆ ماڵ باوکم تووشمان بوو و هه‏تا قوتابخانه به شه‏ق راوی نام !
- ساڵی دووی ناوه‏ندی زۆر ته‏نیا بووم، سێزده ساڵی ، ساڵی ته‏نیایی بوو !
- هه‏ر ئه‏و ساڵه هۆگری به‏سکێدباڵ بووم و به بۆنه‏ی ئه‏وه‏وه نه‏ختێ قه‏دم کێشا.
- زۆر حه‏زم له کاری رۆژنامه‏گه‏ری و شتی وا بوو. ساڵی یه‏کی دوا ناوه‏ندی  هه‏فته‏نامه‏یه‏کم به هۆی بێ ئیمکاناتی به شێوه‏ی رۆژنامه دیواری ئه‏دا ده‏ره‏وه !!
- ساڵی دوو ببوومه هاچه‏ر فه‏رانسه‏ی قوتابخانه ! له کاری قۆر و خه‏ت نووسین و تیئاتر و ته‏ره‏ماش‏دا ده‏ستێکی باڵم هه‏بوو !
- ساڵی سێ ساڵی شۆرش و سه‏رهه‏ڵدان بوو ! به جارێ یاغی ببوم ! هه‏ر ئه‏و ساڵه‏ش به هۆی بڵاو کردنه‏وه‏ی دوو شه‏بنامه به زمانی ته‏نز که سه‏باره‏ت بوو به به‏رپرسانی قوتابخانه و هه‏ندێ له مامۆستاکانمان ، له قوتابخانه وه‏ده‏ریان نام و به هۆی پارتییه‏ک که هه‏مبوو له قوتابخانه‏یه‏کی تر رایان گرتم !ئێستا و ئێستاش نه‏مکوت بڵاو کردنه‏وه‏ی ئه‏م شتانه کاری من بووه ! به ڵام گشتی ئه‏یانزانی جگه له حه‏زره‏تی مازوو که‏س کاری وا قۆڕ ناکا !!
- ساڵی به‏ر له زانکۆ ساڵی گۆشه‏نشینی بوو ! حاڵ و حه‏وسه‏له‏ی که‏سم نه‏مابوو ! ئه‏بوو به هه‏ر شێوه‏یه‏ک بێ له داخی هه‏ندێ که‏س و له به‏ر هه‏ندێ که‏س بۆ زانکۆ ده‏رچووبام ! سه‏ره‏ڕای ئه‏و هه‏موو گرفته‏ی ئه‏و ساڵه بۆم پێش هات وه‏ک پیاوان ده‏رچووم بۆ زانکۆ !!
- ئێستا له زانکۆم ! خه‏ریکی ده‏رس و کوردایه‏تی و ته‏ڕه‏ماش و ئه‏رێ‏وه‏ڵلا و ... !!
 
ئه‏رێ‏وه‏ڵلا...ئه‏وه‏ش نه‏قڵی حه‏زره‏تی مازوو !!

" ساغ له دنیادا نه‏ماوه! "

حه‏وتووی پێشوو ، چووین بۆ یه‏کێ له تیمارستانه‏کانی تاران. جه‏ماعه‏تێ پیاو و عافره‏تی لێ بوو !! ئه‏یانوت نه‏خۆشن.بۆ وێنه پیاوێکی لێ‏بوو ئه‏یوت من پیکاسۆم ! له دڵی خۆما وتم جا ئه‏وه وه‏ک من کوتبایه‏ی خوام چیان لێ ئه‏کرد ؟؟ به‏رپرسی ئه و شوێنه پیاوێکی کورته‏باڵای خڕیله بوو، قورمساغ خۆی له‏وان زۆر نه‏خۆشتر بوو! ئه‏یکوت : نه‏خۆشی ئه‏وانه هیچ رێگه‏ی ده‏رمانی نیه، و ئێمه له رێی قورسه‏وه ته‏نیا ئه‏توانین کۆنترۆڵیان که‏ین! جار و باره‏ش به‏رقی 7۰ تا 11۰ وۆڵتیان لێ ئه‏ده‏ین !
ئه‏و قورمساغه به جارێ حاڵی گرتم ! پیاو جاری وایه ئه‏گه‏ر دین و ئیمانی هه‏بێ له دین و ئیمان دێته ده‏رێ و حه‏ز ئه‏کا یه‏کسه‏ره دایگرێ بۆ جه‏دد و ئابادی دار و به‏رد و گژ و گیا و خوا و ئه‏رێ وه‏ڵلا و ... !! له‏وێ که‏وتمه وه بیر ئه‏و شێعره‏ی شێخ ره‏زای ره‏حمه‏تی سه‏د ره‏حمه‏ت له‏و گۆڕه‏ی که ئه‏فه‏رموێ :
ساغ له دنیادا نه‏ماوه گه‏ر قسه‏ی ساغت ده‏وێ
بێ هه‏زارت پێ نیشان ده‏م گه‏ر قورمساغت دە‏وێ!!
من وه‏ک رۆژ لێم روونه و دڵنیام له ئه‏وه‏ی که ئه‏و جه‏ماعه‏ته‏ی له‏وێ بوون له من و ئه‏و که‏سانه‏ی سه‏ردانی وێبلاگی وه‏ره ده‏رێ مازوو ئه‏که‏ن زۆر ساغتر بوون !!

ئه‏رێ وه‏ڵلا... ئه‏وه‏ش نه قڵی تیمارستان!

                                                         "تۆتالیتێر"

نیوه شه‏وه و
له گه‏ڵ ته‏نیایی له باوه‏ش یه‏ک‏داین

نا...نا...!! بیر له دێمۆکراسی ناکه‏ینه‏وه !!

"خه‏ونه‏که‏ی خۆم و خوا"

له‏ شه وێک له شه‏وه‏كانی هاوینی 86ی هه‏تاوی کاتێ وزه‏ی مێش و مێشووله مته‏قیان له مرۆڤ ئه‏بری و نه‏یانده‏هێشت بخه‏وێ ، خوا هاته خه‏ونمه‏وه !
ئاگام لێ‏بوو گۆچانه‏کانه‏که‏ی له گازه‏ره‏ی پشتم راکێشا و وتی : ناحه‏زره‏تی نامازوو !  ، منیش که په‏شۆکابووم وتم : چیه  کاکه  چیه؟؟ ، وتی : باشه تۆ عه‏یب ناکه‏ی  هه‏ر کوێ  ئه‏گه‏یه‏ی ، له مه‏جلیسان، له ناو ژنان له ناو پیاوان داده‏نیشی و باسی خراپه‏ی من ده‏که‏ی ؟؟ وتم : ئه‏رێ وه‏ڵلا ده‏یکه‏م  و  ئه‏ولاتریش !  ئه‏ی باشه تۆ بۆ قه‏ت له گه‏ڵ ئه‏و کورده یه‏ک نی ؟!! هه‏ر ئه‏وه‏م کوت سپی هه‏ڵگه‏را و وتی : وه‏ڵلا ئه‏و کورده بۆ خۆی له گه‏ڵ خۆی یه‏ک نیه من بڵێم چی؟؟ وتم : چیه؟ نه‏کا بڵێی ئینشیعابی ئه‏و حیزبانه ده‏ستی تۆی تێدا نه‏بووه؟؟؟  وتی : نه به حه‏قی قوڕعان !
وتم : حه‏ح! قورعانه‏که‏ خۆت نووسیوته و خۆشت سوێندی پێ‏ده‏خۆی؟ نایکه‏م !! . وتی : باشه به چیت باوه‏ڕه!   وتم : کاکه لێی گه‏رێ من باوه‏رم به هیچ شتێ نیه! ئه‏وه بڕوات پێ‏ئه‏که‏م ! پاشان وتم : ئه‏ی باشه ئه‏و  جه‏ماعه‏ته چیه به ده‏وری خۆته‏وه کۆت کردوونه‏ته‏وه؟؟ . به سه‏ر سوڕمانه‏وه وتی : کامه ؟؟  وتم : هه‏ر ئه‏وانه‏ی به ناوی تۆ  و دینه‏که‏ته‏وه خه‏ڵک به که‏ر ده‏زانن پاشان زگیان بۆ کوردیش ئه‏سووتێ!  وتی : وه‏ڵلا رووحیشم ئاگادار نیه !!  وتم : ئه‏ی ئه‏م هه‏موو باسی تۆ ده‏که‏ن ئاوای و ئاوا نی ئه‏وه بۆ هیچت لێ‏هه‏ڵناوه‏رێ! . وتی: با یه‏ک شتت پێ بڵێم به‏ڵام پیاوانه با له به‏ینی خۆمانا بمێنێ . وتم : دڵنیا به !
وتی : ئه‏م قسانه‏ی له باره‏ی منه‏وه ئه‏یکه‏ن گشتی فشه‏یه!! . وتم : به‏راسته ؟؟ . وتی : وه‏ڵلا....  . وتم : هه‏ی خۆت نه‏تگرێ! وه‏ڵلا هه‏ر باشه تۆ خوامان بی !! ئه‏ویش بزه‏یه‏کی که‏وته سه‏ر لێو و وتی ئه‏گه‏ر ئیزنت له سه‏ر بێ ئیتر من بڕۆم . وتم :  برۆ خۆتت له گه‏ڵ بێ !!
هه‏ر وا ده، پانزه میتر دوور نه‏که‏وتبۆوه وتم خوا !!  وتی : ئا؟؟ . وتم : ئا چیه! بڵێ به‏ڵێ ! . وتی : به‏ڵێ . وتم : قسه‏ی خۆمان بێ ئه‏و خه‏ڵکه‏ت چاک بۆ که‏ر بووه !! . قا قا پێکه‏نی و رۆییشت!

ئه‏رێ‏وه‏ڵلا...ئه‏وه‏ش نه‏قڵی خۆم و خوا !!

تێبینی : ئه‏م خه‏ونه پێش نووسینی قه‏یته‏رقوو بینراوه !

مازوو به سه‏رت پردی سیراتیش فشه‏یه !
چیرۆکی خله و ئاوی حه‏یاتیش فشه‏یه !

ئه‏و رۆژه که ئینشیعابی ئه‏حزابم دیت!
زانیم کوره به‏خوا ! خه‏باتیش فشه‏یه !

ئه‏رێ‏وه‏ڵلا...

"په‏نا ئه‏به‏ین بۆ مازوو له شه‏ڕڕی شه‏یتانی قوڕمساغ"
"وه ناو مازوو که ده‏هه‏نده‏یه و دڵۆڤانه"

ئێمه‏ین که ئه‏م قه‏یته‏رقوو*یه‏مان له شه‏وێکی هه‏ره پیرۆز دا نارده خوار {1} هه‏ر ئه‏و شه‏وه‏ی قه‏شمه‏ر و ناقه‏شمه‏ر ، له پیا و ناپیاو له سه‏ر یه‏کا پاڵ که‏وتبوون {2} نه‏یانئه‏زانی دنیا به‏ری به کوێوه‏یه {3} له‏و شه‏وه دا جه‏ماعه‏تی ره‏فیق حیزبی به ئیزنی په‏روه‏رنده‏یان دابه‏زین و هه‏موو کارێکیان جێ به جێ کرد {4} هه‏تا نوێژی نیوه‏ڕۆ هه‏ر شایی و ره‏شبه‏ڵه‏ک بوو له قه‏شمه‏رئاوا {5} ئه‏م قه‏یته‏رقوویه‏مان نارده خوار {6} بۆ ئه‏وانه‏ی ئه‏هلی کتێبن{۷} ئه‏هلی خواردنه‏وه‏ش هه‏ن {۸}  بۆ ئه‏وانه‏ی پێیان وایه دنیا فشه نیه  {9}  هه‏تا سه‏یر بکه‏ن  {۱۰}  بزانن که په‏روه‏رنده‏یان چۆن قه‏شمه‏ری له باشتری شێوه‏دا وه‏دی هێناوه {11} مازوو توانای به ده‏سه‏ڵاته {۱۲} هه‏ر فه‏رمانێ مازوو بیدا ئه‏بێ پێک بێ {۱۳}  ئه‏رێ‏وه‏ڵلا... {۱۴}

"فشه ناکا مازووی پایه‏به‏رز"

* قه‏یته‏رقوو ناوی کتێبی پیرۆزی قه‏شمه‏رانی جیهانه که له مه‏وبه‏دوا به ئیزنی حه‏زره‏تی مازوو دانڵۆد ده‏بێ!

سڵاو له هه‏موو لایه‏ک !

به بۆنه‏ی هاتنی پاییز و ده‏ست به‏ کاربوونه‏وه‏ی تاکه که‏ناڵی راگه‏یاندنی ح‏ح‏م ، سکرتێری پایه‏به‏رزی حیزبه‏که‏مان، جه‏نابی حه‏زره‏تی مازوو نامه‏یه‏کی بڵاو کردۆته‏وه که ئه‏مه ده‏قی نامه‏که‏یه :

"به ناوی خۆم"

سڵاو و رێز بۆ رووحی پاکی شه‏هیدانی قه‏شمه‏رئاوا
بۆ هه‏موو خوشکان و برایانی ره‏فیق حیزبی
بۆ لایه‏نگرانی ئازادی و دێمۆکراسی
هاورێیان ! هه‏ر وه‏ک به‏ڵێنیمان دابوو، ئه‏وا له یه‏که‏م رۆژی پاییز به جانتایه‏ک پڕ له به‏رنامه‏ بۆ حیزبه‏کانمان، گه‏راینه‏وه باوه‏شی ئێوه ئازیزان. زۆر خۆشحاڵم به‏وه‏ی که نه‏تانهێشت سه‏ماوه‏ره‏که‏ی ده‏فته‏ری ح‏ح‏م بکوژێته‏وه و به‏م شێوه‏یه نیشانتان‏دا که خه‏بات دریژه‏ی هه‏یه و جارێکی تر پێویسته ئه‏م دروشمه دووپات بکرێته‏وه : یا سه‏رکه‏وتن یا سه‏رکه‏وتن !! ئه‏رێ‏وه‏ڵلا...
به‏ڵام خۆشحاڵی من به‏ر له هه‏موو شتێک بۆ یه‏کگرتنه‏وه‏ی هه‏ر دوو باڵی ح‏ح‏م بوو له پاش ئینشیعابه‏که‏ی که به‏ڕاستی هیچ لێمان روون نه‏بوو ئێمه‏ش چمان لێ به‏سه‏ر ده‏هات! به راستی ئه‏گه‏ری ئه‏وه هه‏بوو جه‏ماعه‏تی ئه‏و باڵه‏ی تر که هه‏ر خۆم سکرتێریان بووم ، بێن و که‏ل و په‏لی تاکه‏ که‏ناڵی راگه‏یاندنی ح‏ح‏م واته وێبلاگی وه‏ره‏ ده‏رێ مازوو بدزن و ئێمه‏ش له هه‏مان کاتا به بێ سێ و دوو به سه‏ر ئه‏وانی دا بێنین ! یان له‏وانه بوو جه‏ماعه‏تی هه‏ر دوو لا ده‏مانچه‏کانیان به‏رانبه‏ر به یه‏ک  راگرن و مه‏لای خۆیان و بزووتنه‏وه‏ی رزگاریخوازی گه‏لانی قه‏شمه‏ر ئاوا به جارێ بگێن !! ئه‏رێ‏وه‏ڵلا...
بۆیه به ناوی خۆم و هه‏موو ئه‏ندامانی کومیته‏ی ناوه‏ندی، سپاستان لێ‏ئه‏که‏م به بۆنه‏ی خۆراگری و هه‏ستی قاره‏مانانه‏تان به‏رامبه‏ر به ده‏ست له کار کێشانه‏وه‏ی "وه‏ره ده‏رێ مازوو" له وه‏رزی هاوینا و پیرۆزباییتان پێ‏ئه‏ڵێم به بۆنه‏ی ده‏ست به‏کار بوونه‏وه‏ی "وه‏ره ده‏رێ مازوو" له وه‏رزی پاییزدا !
هه‏ر سه‏‏رکه‏وتوو بێ بزووتنه‏وه‏ی رزگاریخوازی گه‏لانی قه‏شمه‏رئاوا به رێبه‏رایه‏تی ح‏ح‏م !!
ئه‏رێ‏وه‏ڵلا...

حه‏زره‏تی مازوو
سکرتێری ح‏ح‏م
نووسه‏ری مانیفێستی قه‏شمه‏ریسم
2707/7/1
رۆژهه‏ڵاتی کوردستان

"لای ئێوه‏م خۆش...تا پاییز!!"

خوشکان و برایانی ره‏فیق حیزبی
لایه‏نگرانی ئازادی و دێموکراسی

له‏ لایه‏ن ده فته‏ری سکێرتاریای "ح‏ح‏م" ێوه پێتان رائه‏گه‏یێنین که به هۆی سه‏رقاڵی جه‏نابی حه‏زره‏تی مازوو !! سکرتێری پایه‏به‏رزی "ح‏ح‏م" ، تاکه که‏ناڵی راگه‏یاندنی حیزبی حه‏زره‏تی مازوو واته وێبلاگی "وه‏ره‏ ده‏رێ مازوو...!!"  تا هاتنی وه‏رزی پاییز ده‏ست له هه‏وڵ و تێکۆشان ده‏کێشێته‏وه. هه‏ڵبه‏ت دیاره بۆ ئه‏ندامانی "ح‏ح‏م" جێی هیچ مه‏ترسی و نیگه‏رانییه‏ک نیه ! چون سه‏ماوه‏ره‏که‏ی ده‏فته‏ری حه‏زره‏تی مازوو هه‏میشه داییسێ و ئه‏ندامان کاتی هاتن ئه‏توانن کلیلی ده‏فته‏ره‏که له دراوسێکان وه‏رگرن و چایه‏ک مه‏یل بفه‏رموون. بۆ بێتاقه‏تیش ئه‏وه ته‏خته و وه‏ره‏ق و دۆمینه‏ی لێیه و ئه‏توانن خۆیانی پێ‏بحاوێننه‏وه.که‏ واته تا پاییز...ماڵئاوا !

ئه‏رێ‏وه‏ڵلا...ئه‏وه‏ش نه‏قڵی ماڵئاوایی!!

ده‏فته‏ری سکێرتاریای ح‏ح‏م
حه‏زره‏تی مازوو
سکرتێری ح‏ح‏م
نووسه‏ری مانیفێستی قه‏شمه‏ریسم
۱۸/۴/2707 ی کوردی
رۆژهه‏ڵاتی کوردستان

                                      "بارگه‏و بنه‏م تێک ناوه...!!"

کاکه سڵاو له هه‏مو لایه‏ک بێ ! ئه‏وه‏نده‏ی خوا حه‏ز بکا وه‏ره‏زم !! هه‏مو کاتێ، رۆژانی ئاخری زانکۆ ئاوایه !! حه‏زم له ویسکیه !! براده‏رێک قه‏ولی پێداوم ئه‏مشه‏و بانگهێشتنم کا، بزانم به قسمه‏ت ئه‏بێ !! ورده ورده خه‏ریکم بارگه‏و بنه‏م تێک ده‏نێم و ئه‏ڕۆمه‏وه به‏ره‏و شاره‏که‏م. ئه‏و ماوه‏یه رووداوگه‏لی سه‏یر و سه‏مه‏ره رووی دا !! هه‏مو شتێک له کورته‏مێعرێکه‏وه ده‏ستی پێکرد! پاشان دامه‏زراندنی حیزبی حه‏زره‏تی مازوو (ح‏ح‏م!!) و دواتر ئینشیعاب له "ح‏ح‏م" و له کۆتاییشدا یه‏کگرتنه‏وه هه‏ردوو باڵی ححم!! ئه‏رێ‏وه‏ڵلا...
ئه‏مه‏وێ باسی حه‏قیقه‏تێکتان بۆ بکه‏م!!بۆ هه‏موان روون و ئاشکرایه و ئه‏توانم بڵێم ئه‏مه راستیه‏کی حاشا هه‏ڵنه‏گره که وێبلاگی وه‏ره ده‏رێ مازوو...!! شۆرشێک بوو له بواری وێبلاگ‏نووسی کوردیدا !!! جا پیاوم ده‏وێ ده‏س هه‏ڵێنێ و بڵێ وا نیه !!
کاکه سبه‏ینێ ئه‏وده‏مانه له‏وانه‏یه له ناو ئوتووبوس دابم.ئه‏گه‏ر به زیندوویی نه‏گه‏رامه‏وه ،وه‏سیه‏ت بێ هه‏رکات هاتن سه‏ردانی وێبلاگه‏که‏متان کرد به یادی من جگه‏ره‏یه‏ک داگیرسێنن یا خۆ لیوانێک ویسکی به مانیتۆره‏که‏تان داکه‏ن !!
لای هه‏مو لایه‏ک خۆش...

                            "یه‏کگرتنه‏وه‏ی هه‏ر دوو باڵی ح ح م"

خوشکان و برایان ره‏فیق حیزبی
له‌ پاش هه‌وڵه‌كانی "حه‏زره‏تی کامیل" و له سه‏ر داواکاری ده‏سته‏یه‏کی زۆر له رۆشنبیران و هونه‏رمه‏ندانی کورد بۆ یه‌كخستنه‌وه‌ی هه‌ردوو باڵی حیزبی حه‏زره‏تی مازوو و له‌ كاتێكدا كه‌ له‌ لایه‌ن حه‏زره‏تی کامیله‏وه لێژنه‌یه‌كی تایبه‌ت بۆ ئه‌و پرسه‌ دیاری كرابوو ، راگه‌یاندنه‌كانی سه‌ر به‌ حیزبی حه‏زره‏تی مازوو رایانگه‌یاند حه‏زره‏تی مازوو پاش دانیشتنێکی زۆر له گه‏ڵ خۆی گه‏ییشت به‏و ئه‏نجامه‏ی که بۆ پووچه‏ڵ کردنه‏وه‏‏ی پیلانی دوژمنان و بۆ یه‏کریزی و یه‏کده‏نگی گه‏لی کورد پێویسته هه‏ر دوو باڵی ححم له زووترین کات‏دا یه‏ک بگرنه‏وه.به‏م بۆنه‏وه یه‏کگرتنه‏وه‏ی هه‏ر دوو باڵی ححم له هه‏مو خوشکان و برایانی ره‏فیق حیزبی ، خه‏ڵکی به شه‏ره‏فی قه‏شمه‏ر ئاوا و هه‏مو گه‏لانی چه‏وساوه‏ی جیهان به گشتی و گه‏لی کورد به تایبه‏تی پیرۆزبایی ئه‏ڵێین و هیوادارین سه‏رکرده‏ی هه‏مو حیزبه له‏ت و کوت کراوه‏کانی کوردستان ده‏ست له که‏رێتی هه‏ڵگرن و وه‏ک حه‏زره‏تی مازوو بێنه‏وه سه‏ر رێگه‏ی راست!!!
ئامین!!
ئه‏رێ وه‏ڵلا....ئه‏وه‏ش نه‏قڵی یه‏کگرتنه‏وه!!!

راگه‏یاندنی ححم
حه‏زره‏تی مازوو
نووسه‏ری" مانیفێستی قه‏شمه‏ریسم"
27/3/2707 ی کوردی
رۆژ‏هه‏ڵاتی کوردستان

                                    "ئینشیعاب له ح ح م دا"

کاکه سڵاو و رێزم هه‏یه‏ بۆ هه‏مو لایه‏ک.دیاره دوای دروست بوونی"ح ح م" له گه‏ڵ کۆمه‏ڵێ ره‏خنه‏ی جۆراوجۆر رووبه‏روو بوومه‏وه.یه‏کێک له‏وانه ئه‏وه بوو که ح ح م  حیزبێکی کوردی نیه و حه‏زره‏تی مازوو ته‏نیا و ته‏نیا به‏رژه‏وه‏ندی حیزبی له‏به‏ر چاوه...!! منیش له به‏ر ئه‏وه‏ی که بیسه‏لمێنم ح ح م حیزبێکی به ته‏واو مانا کوردیه و هه‏وڵ ئه‏دا بۆ رزگاری کوردستان و چاره‏سه‏ری کێشه‏ی کورد له رۆژهه‏ڵاتی ناوه‏راست حیزبه‏که‏م هه‏ر له ناوه‏راسته‏وه کرده دوو کوته‏وه !! ته‏نیا و ته‏نیا که ‏بیسه‏لمێنم حیزبی حه‏زره‏تی مازوو حیزبێکی کوردییه !!!!!
هه‏ڵبه‏ت بۆ دۆستان و براده‏رانی ره‏فیق حیزبی هیچ جێی نیگه‏رانی و مه‏ترسی نیه ! چونکه سکرتێری هه‏ر دوو لایه‏نه‏که خۆمم و هه‏ر خۆشم هه‏موو شتێکی هه‏ر دوو لایه‏نه‏که‏م...کاکه من به ته‏نیا دوو حیزبم !!!

ئه‏رێ‏وه‏ڵڵا ئه‏وه‏ش نه‏قڵی ئینشیعاب له "ح ح م"

             "من خۆم به ته‏نیا حیزبێکم...!!"

کاکه سڵاو له هه‏مو لایه‏ک بێ!!کاکه دوای بڵاو بوونه‏وه‏ی وێبلاگی "وه‏ره‏ ده‏رێ مازوو...!!" له هه‏ندێ له سایت و ته‏نانه‏ت که‏ناڵه ئاسمانییه‏کان که‏وتمه بیر دروست کردنی حیزبێک که هه‏مو مافه‏کانی خه‏ڵکی کورد له لاو و له پیر ،له ژن و له پیاو، له خوێندکار و ناخوێندکار، له رۆشنبیر و  نارۆشنبیر بپارێزێ...!!
ئه‏مرۆ زۆر شه‏که‏ت بوم.به ته‏ما نه‏بوم هیچ بنووسم که‏چی له ناکاو چاوم به‏ هه‏واڵێک که‏وت!هه‏ر ئه‏وه‏ش بووه هۆی ئه‏وه‏ی ئه‏و بیره به مێشکم دابێ!! له‏و رۆژانه دا  خاڵه مسته‏فا له زانکۆی سه‏لاحه‏ددین له سه‏ر بار و دۆخی ناوچه‏که و داهاتووی کوردستانی ئێران!!! قسه‏ی کردبوو.ئاماده بوانیش گۆیا هه‏موی سه‏ریان‏سوڕئه‏مێنێ له قسه خۆشی جه‏نابی سه‏رۆک...!!
ئه‏رێ‏وه‏ڵلا...ده‏ی کوتم کاکه جا هه‏ر وای لێ‏هات ده‏ری ناهێنێ ،شوکور بۆ خوا ئه‏وه حیزبه‏کانمان له ناو خۆیانا تێک به‏ر بوون،با ئێمه حیزبێک دروست که‏ین ،خۆشم ئه‏بمه سکرتێر و ئه‏بمه کادری سیاسی و ئه‏بمه هه‏مو شتێک،ئه‏وه میدیاشم هه‏یه،ئیتر منه‏تی که‏س هه‏ڵناگرم،کاکه من خۆم به‏ته‏نیا حیزبێکم !! من مافی هه‏مو لایه‏نه‏کان ئه‏پارێزم.به‏ڵام هه‏ر که‏س خراپ بجووڵێته‏وه سه‏ری ئه‏برم...!!!

                                                           .........!!

که سیاسه‏ت هات!
دابڕانیش ده‏ستی پێ‏کرد...!!

ئه‏مه بوو سه‏ره‏تای سه‏فه‏ری ئه‏و سیفرانه‏ی گه‏ره‏کیان بوو ببن به یه‏ک!!

                                        خوا...! کاکه که‏یفی خۆته!

ئه‏وه‏نده‏ی بیری لێ ده‏که‏مه‏وه بۆم جێ به جێ نابێ!!
باشه تو شه‏ره‏فتان ئه‏وه کار بو خوا له گه‏ڵ ئێمه‏ی کرد؟؟ ها؟؟ کاکه ئه‏و عاله‏مه‏ی له یه‏ک به‏رداوه !! وه‏ڵلا براله ئاوا نابێ! به که‏یفی خۆی دروستی کردون! له سه‏د ره‏نگ و سه‏د زمان و ده‏یان و هه‏زاران فه‏رهه‏نگی جیاواز!!
ئه‏رێ بابه ئه‏مه که‏ی کاره ئه‏ی هاوار....!!
چ ده‏بو هه‏موی له یه‏ک جۆر دروست کردبایه‏ن! بۆ وێنه هه‏مو کورد بوایه‏ن...

کوره نا ...نا...ئه‏و ده‏مه به‏خوا چوار هه‏زار حیزبیان دروست ده‏کرد هه‏مو تێک به‏رده‏بون...
کوره کاکه وێڵی که...
خوا...کاکه که‏یفی خۆته!! چۆنت پێ خۆشه وا بکه!!

                                            سه‏رم دێشێ...!!

ئه‏وه‏ی راستی بێ نازانم سه‏باره‏ت به چی بنووسم!!
کاکه به شه‏ره‏فم زۆر ئه‏ترسێم. ئه‏ترسێم رۆژێک خۆم بکوژم...!! راوه‏ستن با سه‏باره‏ت به ئه‏وین بۆتان باس بکه‏م.(مه‏به‏ستم خۆشه‏ویستی نێوان نێر و مێیه!!)
ئه‏وین...ئا.ا..خ.!! ته‏نیا شه‏وانه له 12 به‏ملاوه ئه‏ویش ته‏نیا له ژێر لێفه‏که‏ته‏وه ئه‏توانی بیری لێ بکه‏یه‏وه!!وه‏ک دێموکراسی وایه!!وه‏ڵلاهی پیاو که‏ر بێ و عاشق نه‏بێ!!
ئه‏مه قسه‏ی هه‏ڵکوڵراوی سه‏ر دیواری ماڵی حه‏زره‏تی مازوویه!! جا تو شه‏ره‏ف ئه‏مه که‏ی ژیانه!! ئه‏وین زۆر جاری وایه هێڵنج هێنه‏ره!! ئه‏بێته هۆی ئه‏وه‏ی که سه‏رنجی تۆ له سیسته‏می سیاسی دوور که‏وێته‏وه! ئه‏گه‏ر وای لێ هات ئه‏بێ شه‏قێکی لێ ده‏ی و پێی بڵێی بای بای...
سیاسه‏تی نه‏عله‏تیش ! ئا..ا..ا..خ...هات و پڕش و بڵاوی کردین!! ئه‏رێ به‏راست سیاسه‏ت خۆشتره یان ئه‏وین!
سیاستێکی ئه‏ویندارانه یان ئه‏وینێکی سیاسی؟؟؟

سه‏رم زۆر دێشێ.ئه‏م نیوه‏ڕۆیه چاییم نه‏خواردووه!!
لای ئێوه‏م خۆش...!