دیکتاتۆڕ....!!

ده‏گێرنه‏وه سه‏ددام دیکتاتۆری گه‏وره به ره‏حمه‏ت بێ!!! پیاوێکی زۆر شۆخی باز و جه‏فه‏نگی بوو.وای لێ هاتبوو که کارێکی ئه‏کرد یان قسه‏یه‏کی ئه‏کوت که‏س نه‏یده‏زانی به‏راستێتی یان شۆخی ده‏کا.هیچ جێی متمانه نه‏بوو.بۆوه نه‏ده‏بوو کارێکی پێ راسپێری حه‏تمه‏ن گووی تێ‏ده‏کرد.هێند‏ی له‏گه‏ڵ ئه‏م و ئه‏و شۆخی ده‏کرد به‏جارێ ناوبانگی ده‏رکردبوو.
به‏ر له سێداره‏ دانی لێیان پرسیبوو مه‏به‏ستت له‏م هه‏موو جه‏نایه‏ت و خوێن رشتنه چی بوو؟
ئه‏ویش به‏رله‏وه‏ی وه‏ڵام بداته‏وه قه‏یافه‏یه‏کی ماقووڵانه‏‏ی به خۆیه‏وه گرتبوو !ده‏ستی نابۆ ژێر چه‏ناگه‏یی و له دوای نه‏ختێ بیر کردنه‏وه بزه‏یه‏کی که‏وتبوه سه‏ر لێو و پاشان گوتبووی گشتی شۆخی بوو!!!
سه‏ددامیان له سێداره داو بۆ که‏س ده‏رنه‏که‏وت ئه‏م قسه‏یه‏ی به راست بوو یان شۆخی ئه‏کرد.....

                                 "که‏س نه‏ڵێ کورد زیندووه...!!"

له‏م شه‏وانه‏دا له که‏ناڵی زاگرۆس تی‏وی سه‏یری به‏رنامه‏یه‏کی کێ‏به‏رکێم ده‏کرد.ژن و پیاوێک به‏رێوه‏یان ئه‏برد.ته‏واو به فۆرمی ئه‏و به‏رنامانه‏ی ئه‏رووپا به‏رێوه ئه‏چوو!!له‏ جل و به‏رگی ژن و پیاوه‏که‏و ئه‏و جه‏ماعه‏ته‏ی له‏وێ بوون بیگره تا دیکۆری به‏رنامه‏که،هیچ شتێکت به‏رچاو نه‏‏ئه‏که‏وت که مۆرکێکی کوردی پێوه بێ!!یه‏کێ ناشاره‏زا بوایه به دڵناییه‏وه ئه‏یوت ئه‏مه که‏ناڵی ستاری تورکیه یا خۆ که‏ناڵێکی ئه‏ورووپیه!!
چ بڵێم!بڵێم ئۆخه‏یش ئه‏وه کوردیش رۆژ به رۆژ پێشکه‏وتوتر ئه‏بێ و...!! نازانم!به‏راستی نازانم ئه‏مانه ئه‏بێ چه‏نده گه‏وج بن که پێشکه‏وتن له وه‏دا ئه‏بینن!!
رۆژێ ئه‏موت ئۆخه‏یش ئه‏وه کوردیش خاوه‏ن که‏ناڵی ماهواره‏ییه‏ وئه‏توانێ سنووره‏کان تێک بشکێنێ و بۆ گشت کوردستان به‏رنامه بڵاو کاته‏وه! به‏ڵام ئه‏مرۆ ئه‏بینم خه‏ریکه هه‏مو بایه‏خه کۆمه‏ڵایه‏تیه‏کانیش پێک داده‏دا و تێکی ده‏شکێنێ به بێ ئه‏وه‏ی شتێکی نوێ که مۆرکی کوردی پێوه بێ بخوڵقێنێ!!ئه‏مانه خه‏ریکن ئه‏م ده‏سکه‏وتانه‏ی پێشمه‏رگه له ماوه‏ی ده‏یان و سه‏دان ساڵ خه‏باتی بێ‏وچانی به ده‏ستی هێناوه گشتی خاپوورئه‏که‏ن و فڕێی ئه‏ده‏نه ئه‏ملاوه...
پێمان سه‏یر نه‏بێ که به‏ره‏ی داهاتوو پێی شووره‏یی بێ جلی کوردی له به‏ر کات و ته‏نانه‏ت بڵێ کوردم! ئه‏گه‏ر هه‏روا برواته پێش ئه‏بێ جاوه‏ڕوان بین ئه‏و مناڵه‏ی له دوارۆژا له ناو خاکی کوردستان له دایک ئه‏بێ ئه‏بێته مرۆڤێکی نامۆ به فه‏رهه‏نگ ومێژووی کورد.
با له خۆمان بپرسین رۆڵی میدیای کوردی چیه؟!به راستی ئه‏وانه بون ئه‏و ئامانجانه‏ی هه‏زاران که‏س گیانی خۆیان له سه‏ر به‏خت کرد؟؟
میدیای کوردی ئه‏بێ ده‏نگی خه‏ڵکی کورد بێ.ئه‏بێ ببێته ره‏خنه‏گری حیزب و پارت و رێکخراوه‏کان.ئه‏بێ رێز دانێ بۆ بایه‏خه کۆمه‏ڵایه‏تیه‏کانی گه‏لی کورد وبایه‏خیان پێ بدا.میدیای کوردی نابێ مرۆڤی کورد به شتی قۆڕ و هیچ و پووچ بخافڵێنێ وکه‏ڕوکاسی کا.ئه‏بێ وشیاری کاته‏وه و پێی بڵێ  مرۆڤی کورد ئه‏بێ چۆن مرۆڤێک بێ و کورد کێیه نه‏ک ئه‏وه‏ی له خۆی و له نه‏ته‏وه‏که‏ی نامۆی کا..!
کوردستان ئه‏گه‏ر ئه‏یه‏وێ ببێته وڵاتێکی پێشکه‏وتوو به‏ر له هه‏مو شتێک پێویستی به هێزی بیرو بازوی مرۆڤه‏کانی هه‏یه و ئه‏وه‏ش کاتێ به باشی وه‏دی دێ که مرۆڤی کورد له به‏رامبه‏ر نه‏ته‏وه‏که‏ی‏دا هه‏ستی به‏رپرسیاری هه‏بێ و شانازی بکا به کورد بوونی خۆی.لێره‏دا میدیای کوردی ئه‏رکێکی گه‏وره‏ی له سه‏ر شانه و ئه‏توانێ به‏شێکی زۆر له‏م ئه‏رکه به‏جێ بێنێ. ئه‏بێ ئه‏و که‏سانه‏ی له سه‏ر میدیا کوردیه‏کان کار ئه‏که‏ن دڵسۆزی نه‏ته‏وه‏ی کورد بن.رۆشنبیره‏کان نابێ له ئاست که‏م کاری میدیاکان بێ‏ده‏نگ بن.
ئه‏بێ هه‏مو هه‏وڵ بد‌ه‏ین بۆ گه‏ییشتن به کوردستانێکی ئازاد و پێشکه‏وتوو.ده با هه‏مو هاوار بکه‏ین: که‏س نه‏ڵی کورد مردووه....